కదిరి, సెప్టెంబరు 26: కదిరి పట్టణంలో అదనపు సివిల్ జడ్జి కోర్టు నూతన భవనం ప్రారంభమైంది. ఆంధ్రప్రదేశ్ హైకోర్టు ప్రధాన న్యాయమూర్తి జస్టిస్ లిసా గిల్ వర్చువల్ విధానంలో భవనాన్ని ప్రారంభించారు.
ఈ కార్యక్రమంలో హైకోర్టు న్యాయమూర్తులు జస్టిస్ బీఎస్. భానుమతి, జస్టిస్ కె. సురేష్రెడ్డి, జస్టిస్ చల్లా గుణరంజన్ పాల్గొన్నారు. జిల్లా కలెక్టర్, జిల్లా ఎస్పీతో పాటు కదిరి బార్ అసోసియేషన్ సభ్యులు, న్యాయవాదులు కార్యక్రమానికి హాజరయ్యారు.
కొత్త కోర్టు భవనం అందుబాటులోకి రావడంతో అదనపు సివిల్ జడ్జి కోర్టు కార్యకలాపాలకు అవసరమైన వసతులు కల్పించినట్లయింది. ప్రజలకు న్యాయ సేవలు మరింత అందుబాటులోకి రానున్నాయి. ఈ కార్యక్రమంలో న్యాయశాఖ అధికారులు, కోర్టు సిబ్బంది తదితరులు పాల్గొన్నారు.
