కదిరి,(అమరావతి వెలుగు): వినాయక నిమజ్జన మహోత్సవాన్ని ప్రశాంత వాతావరణంలో నిర్వహించేందుకు పోలీసుశాఖ సమన్వయ సమావేశం నిర్వహించనుంది. ఈ నెల 20న కదిరి పట్టణంలో జరగనున్న నిమజ్జన కార్యక్రమానికి సంబంధించి పట్టణంలోని అన్ని వినాయక మండపాల నిర్వాహకులతో శ్రీ సత్యసాయి జిల్లా ఎస్పీ ఎస్.సతీష్కుమార్ ఆధ్వర్యంలో సమావేశం ఏర్పాటు చేశారు.
ఈ నెల 18న మధ్యాహ్నం 3 గంటలకు కదిరి టు అనంతపూర్ రహదారిలో గల శ్రీ మరకత మహాలక్ష్మి ఆలయం సమీపంలోని శ్రీ దత్త ఫంక్షన్ హాల్లో సమావేశం జరుగుతుంది. కదిరి టౌన్ పరిధిలోని వినాయక ఉత్సవ కమిటీ సభ్యులు, అన్ని మండపాల నిర్వాహకులు తప్పనిసరిగా హాజరై నిమజ్జన కార్యక్రమ నిర్వహణకు సంబంధించి పోలీసుశాఖ సూచనలు, ఏర్పాట్లపై చర్చించాల్సిందిగా కోరారు.
